Laerdal Compact Suction Unit (LCSU) 4 - Manual (Page 257)

2 Lýsing og tilætluð notkun
257
Íslenska
Tilætluð notkun
LCSU 4 er handhægt, rafstýrt lækningatæki til sogs sem er ætlað til notkunar á vettvangi og í flutningum. Tækið er ætlað til notkunar
með hléum til að fjarlægja seyti, blóð eða spýju úr öndunarvegi sjúklings til að tryggja öndun. Yfirleitt er sog aukið þegar sogið er úr
munnkoki en minnkað þegar sogið er úr barka og þegar sogið er úr börnum og ungbörnum.
Mikilvægt
• Lesið þessar notkunarleiðbeiningar gaumgæfilega áður en tækið er notað. Hafið samband við Laerdal Medical eða Icepharma til
að fá ítarlegri upplýsingar ef þörf krefur.
• Bandarísk alríkislög takmarka sölu og pöntun á LCSU 4 við lækna eða viðurkennd heilbrigðisyfirvöld.
• Notið eingöngu aukabúnað frá Laerdal sem er afgreiddur beint af Laerdal Medical eða Icepharmatil að tryggja að LCSU 4 starfi
á réttan hátt.
Varúðarreglur og varnaðarorð
Varúðarreglur
• LCSU 4 hentar ekki til notkunar nálægt eldfimum vökvum eða lofttegundum. Við slíkar aðstæður myndast sprengihætta eða
eldhætta.
• Notið ekki LCSU 4 við aðrar umhverfisaðstæður en tilgreindar eru. Slík notkun getur ógnað öryggi og haft skaðleg áhrif á
starfsemi tækisins.
• Ef sogað efni kemst í dæluna getur slíkt skemmt og/eða stöðvað tækið. Ekki nota LCSU 4 ef grunur leikur á að vökvi frá
hylkinu eða sjúklingnum hafi sogast inn í tækið. Leitið ráða hjá Laerdal Medical eða Icepharma.
Varnaðarorð
• Aðeins þeir sem hafa hlotið þjálfun í notkun á lækningarbúnaði til sogs skulu nota LCSU 4 og samkvæmt gildandi
aðferðarlýsingu.
• Óleyfilegar viðgerðir, opnanir eða breytingar á LCSU 4 eða rafbúnaði þess geta skemmt eða stöðvað tækið og slíkar aðgerðir
ógilda takmörkuðu ábyrgðina.
Takmörkuð ábyrgð
Tveggja (2) ára takmörkuð ábyrgð er á LCSU 4, nema á hylkjunum, slöngukerfunum og rafhlöðunni. Nánari upplýsingar
um skilmála er að finna í „Laerdal Global Warranty“ á www.laerdal.com. 90 daga ábyrgð er á rafhlöðunni. Lærdal ekki veita
varahluti fyrir þessa vöru. Notendur tækisins geta hvorki gert við né skipt um íhluti innan í meginhluta LCSU 4, að rafhlöðunni
undanskilinni.